كان عندي مشكيل كبير واحد عاماين هادي مع الخصيتان ديالي ، حيت كانت عندي الخصية اليسرية نازلا على اليمينية ، و ديما كانحس بيهوم مزاكلين و ماحاملش راسي ، واقيلا حيت كنت كانلعب باليسرية بزاف بيديا ولا واقيلا حيت كنت كاندير رجل اليمينية فوق اليسرية داكشي علاش وقع ليا هاد الموشكيل . واحد نهار دبرت ف 200 درهم ، وانا نطلع لرباط ، و بقيت غادي فالشارع و كانشوف واش ابان ليا شي طبيب ديال الاعضاء التناسلية باش ندوز عندو على الخصية. واحد الوقيتة و هي تبان ليا ، "الطبيب معاد الخصياوي ، اختصاصي في الامراض التناسلية و المسالك البولية و المؤخرة ، حاصل على ديبلوم من جامعة خيصوڤا باوكرانيا " . فاللول ترددت ، قلت هاد خونا قاري فاوكرانيا ، و ديك القرايا ديال اوكرانيا معروفة ماكايقراو والو غي كايامسيو ينشطو و يزهاو و يرجعو ماتايقراو تا خصية ، وانا باغي ندوز على الخصية ، خفت لا يمشي يخرج عليا و يعطيني سي تريتمون يخرج عليا فمرا . ولكن داك النهار عييت نهار كامل وانا كانقلب على شي طبيب ديال هادشي و مالقيتش ، غي داك نهار بديك سير و اجي و المشي غاتكون الخصية زات نزلات بشي 2 سونتيم . قلت صافي ندخل واللي ليها ليها ، اصلا سميتو الخصياوي و قاري فخيصوڤا غايكون عندم معا هادش تالخصيات . دخلت ، لقيت بزآآاف تالعيالات و شوية ديال الرجالا ، بحالا داخل لشي مشعوذ ، و كولهوم كايهدرو بشوية و غي شافوني و هوما يضربو الطم بحالا شافو شي جن . غالبا الرجالا اللي جايين ، حداهوم عيالاتهوم الا انا داخل بوحدي . من مورا هاد القصة كتاشفت بيلا اغلبية ديال الناس اللي كايدوز عند هاد النوع ديال الاطباء تاكونو اما ماكاينوضوش الحنكليس ، ولا ماكايولدوش ، ولا مراواتهوم عنهوم مشكل فالوالدة ...ولكن باش يجي واحد فعمرو 21 عام و المشكل اللي عندو هو الخصيتان مامقادينش موحال عمرها وقعات . مهم شديت الرونديفو ، قالت ليا ديك خيتي غادوز نتا السادس ، كانو خمسة الناس قبل مني . ماشي موشكيل شديت كرسي و جبدت بورطابل وبقيت مكونيكتي تا وصلني الدور . سمعت سميتي وانا نتزعزع ، قلت معا راسي اش جابني لهاد تب ، كنت هاني كالس فدار ، مالي انا و مال هاد المشاكيل ، بنادم واصلين ليه الخصيتان تال حدا رجليه و عمرهوم جاو عند طبيب . مهم ديك ساعا كان فات الحال و ديجا خلصت فلوس ديال لافيزيت ، المهم دخلت عند داك الطبيب ، داير الليغات فيديه ، و لابس طابليا بيضا و عندو الضلام الداخل . صافي شداتني الخلعة ، حسيت بحالا غايحيدو ليا الحنكليس فخطرا . المهم قاليا جلس ، و قاليا ، ايوا اش كاين ا ولدي . بديت عليه "الخصية" ما "الخصية" ، كانهدر زعما باللغة العربية و حشمان ، و مرا مرا كاندخل الفرونسي باش نبان قاري ، و هو حاس بيه شاد الضحكا ، شويها هو يقوليا ، شوف ا ولدي بلا ما تحشم و هدر معايا نيشان را هادشي مافيه تا عيب و عادي و كانشوفيه كلا نهار . تا انا مالقانيش من العاجزين ، باغي غي نخرج داكشي اللي فقلبي ، وانا نقوليه ، شوف ا سي الطبيب ، ماكاين مانخبي عليك را عندي القلوة الكوشية نازلة على اليمنية و كانحس بيها بحالا مابقاتش خداما . دوز ليا و بقا كايبرك عليها بجهد حتا بديت كانحس بيها غاتفرقع ، وانا نغوت قلت ليه بشويا آ لقلاوي ، قاليا كيفاش ؟!! ، قلت ليه والو غي قلت ليك بشويا على القلاوي را غا تفقسهم . هو يعطيني واحد الدوا سميتو "كريك" . مشت للفرماسيان شريتو ، عطاوه ليا ف ميكا كبيرة . حليتو فدار لقيتو داير بحال الكريك ديال الطونوبيل داكشي علاش سميتو "كريك" . دخلت لطواليت ، حيدت السليب ، وانا ندير داك الكريك لتحت و بقيت كانورك و بدات القلوة اليسرية كاطلع بشوية بشوية حتا تقادات معى اليمنية ، شويا و هيا تفوت ديك اليمنية ، مشيت درت داك "كريك" للقلوة ايمنية باش نقادها تاني مع اليسرية مابغاتش تخدم . وانا نرجع للفرماسيان ، قالت ليا داك "كريك" را غي ديال القلوة اليسرية خاصك تشري الكريك ديال اليمنية ، قلت ليها جيبيه ليا و هيا تجيبو ، و حسباتو عليا غلى من ديال اليسرية قلت ليها علاش ؟!!! قالت ليا القلوة اليمنية ، ملي كاناكلو العدس ، كاتجر بزاف ديال العدس مع العروق ، و كاتولي عامرا بالحديد ، داكش علاش الكريك ديالها غالي . ماش موشكيل شريتو ، و دخلت تاني لطواليت و بقيت كاندير "كريك" ديال القوة اليمنية نهزها شوية ، و ندير تاني ديال اليسرية نقادها مع ديال اليمنية حتا قاديتهوم مزيان . دابا كانحس براسي بيخير و مرتاح .
مع "كريك" ، كانحس براسي شيك ، و غي بكليك ، تقدر تساوي قلاويك .
مع "كريك" ، كانحس براسي شيك ، و غي بكليك ، تقدر تساوي قلاويك .
