مدخل إلى عالم الميمات

طرح اﻹشكالية: علاش الميمات؟
أولا هي كتصادك ماشي انت كتصادها .. وهنا كتسهال عليك المسؤولية، وماكتبقاش تدور بها فالقهاوي والمطاعم وكتوفر عليك فلوسك.
يا إما تيكون عندها طوموبيل كتسوگ بك .. وذاك اﻹحساس واعر أنها تسوگ بك .. حيت هاذي هي المقاربة التشاركية ديال بصح آ سواعدة .. أو كتشدو طاكسي كورصة وهي كتخلص.
كتعامل معك كإبن وكصديق وكزوج وكأب وكجد مشترك وكهوموسابيان.
يمكن ليك تعاود ليها على شيواحدة كونتي كتبغيها وماكتابش معها .. لذلك الميمة غادي تضمك إلى صدرها الأعظم .. حيت ماكتجيهاش الغيرة وإنما كتعطيك داكشي ليماعطاتوش ليك فلانة.
كتشوف فيها اﻷمومة، والتعويض عن أجمل مرحلة عيشتيها فحياتك.
إذا ماكانوش عندها الدراري .. راه تقدر تسكن معها گاع.
كتكون مرتاح نفسيا مزيان .. حتى إذا كونتي مبتدأ هي كتعلمك كولشي.
ماكتديرش ليك حريق الراس ديال التمنطاشيات.
معدل السعادة كيرتفع بشكل هائل.
تقدر تكون مريض وهي كتعتني بك.
كتجيب ليك شي لعيبات مرة مرة فإطار الجود والعطاء.
كتدير ليك الميزاجوغ فالأدوات المستعملة (صحاب فيفتي شايد اوف گراي)
تقدر تهضر معها فأي موضوع وتشد معك الخط مزيان.
إذا كونتي حشمان فأول مرة وماكتعرفش تتأقلم .. كتبدا معك بالتي هي أحسن وكتفتح ليك البيبان وكتوريك الباب رقم واحد من الباب رقم 2 .. وكتوريك حتى الشراجم.
كتشوفك فالزنقة كتجي تسلم عليك وماكتديرش راسها أنها ماكتعرفكش.
لكن أول لحظة فأول نهار مع شي ميمة كتدوز خايبة .. كيبقى الشيطان يخورك فمخك وهي بذاك الوجود العظيم ديالها أمامك كتبين راسها ماكاين والو .. وكتبقاو تهضرو فشي مواضع ديال الخراء ماعندها حتى شي معنى بحال بورصة ويل ستريت أو النعجة دولي.
وكتقول مع راسك واهيا ناري فوقاش غادي ندوزو للصدر اﻷعظم؟ .. ومن بعد كتقوليها ممكن شي...؟
ممكن شي كاس د الما هههههه
ولكن فنهاية المطاف كتشدو عليكم ذاك الخراء ديال ويل ستريت ومشكل التصحر واﻹنتخاب الطبيعي وكتدوزو للمعقول .. ولكن بعض المرات ماكتزدقش وكتخرج خاسر .. وهنا فين كتحبس ليك المادة الرمادية .. كتلقى حل واحد وهو أنك "راك فاهم"